молитвы к причастию текст

Благодарственные молитвы по Святом Причащении

Слáва Тебé, Бóже. Слáва Тебé, Бóже. Слáва Тебé, Бóже.

Благодарственная молитва, 1-я

Благодарю́ Тя, Гóсподи Бóже мой, я́ко не отри́нул мя еси́ грéшнаго, но óбщника мя бы́ти святы́нь Твои́х сподóбил еси́. Благодарю́ Тя, я́ко менé недостóйнаго причасти́тися пречи́стых Твои́х и небéсных Даро́в сподóбил еси́. Но Влады́ко Человеколю́бче, нас рáди умéрый же и воскресы́й, и даровáвый нам стрáшная сия́ и животворя́щая Тáинства, во благодея́ние и освящéние душ и телéс нáших, даждь бы́ти сим и мне во исцелéние души́ же и тéла, во отгнáние вся́каго сопроти́внаго, в просвещéние óчию сéрдца моегó, в мир душéвных мои́х сил, в вéру непосты́дну, в любовь нелицемéрну, во исполнéние прему́дрости, в соблюдéние зáповедей Твои́х, в приложéние Божéственныя Твоея́ благодáти, и Твоегó Цáрствия присвоéние: да во святы́ни Твоéй тéми сохраня́емь, Твою́ благодáть поминáю всегдá, и не ктому́ себé живу́, но Тебé нáшему Влады́це и благодéтелю; и тáко сегó жития́ изшéд о надéжди животá вéчнаго, в присносу́щный дости́гну покóй, идéже прáзднующих глас непрестáнный, и безконéчная слáдость, зря́щих Твоегó лицá добрóту неизречéнную. Ты бо еси́ и́стинное желáние, и неизречéнное весéлие лю́бящих Тя, Христé Бóже наш, и Тя поéт вся тварь во вéки. Ами́нь.

Молитва святого Василия Великого, 2-я

Влады́ко Христé Бóже, Царю́ векóв и Содéтелю всех, благодарю́ Тя о всех, я́же ми еси́ подáл благи́х, и о причащéнии пречи́стых и животворя́щих Твои́х Тáинств. Молю́ у́бо Тя, Блáже и Человеколю́бче: сохрани́ мя под крóвом Твои́м, и в сéни крилу́ Твоéю; и дáруй ми чи́стою сóвестию, дáже до послéдняго моегó издыхáния, достóйно причащáтися святы́нь Твои́х, во оставлéние грехóв и в жизнь вéчную. Ты бо еси́ хлеб живóтный, истóчник святы́ни, Подáтель благи́х, и Тебé слáву возсылáем со Отцéм и Святы́м Ду́хом, ны́не и при́сно и во вéки векóв. Ами́нь.

Молитва Симеона Метафраста, 3-я

Давы́й пи́щу мне плоть Твою́ вóлею, огнь сый и опаля́яй недостóйныя, да не опали́ши менé, Содéтелю мой; пáче же пройди́ во уды моя́, во вся состáвы, во утрóбу, в сéрдце. Попали́ тéрние всех мои́х прегрешéний. Ду́шу очи́сти, освяти́ помышлéния. Состáвы утверди́ с костьми́ вку́пе. Чу́вств просвети́ просту́ю пятери́цу. Всегó мя спригвозди́ стрáху Твоéму. При́сно покры́й, соблюди́ же, и сохрани́ мя от вся́каго дéла и слóва душетлéннаго. Очи́сти, и омы́й, и украси́ мя, удобри́, вразуми́, и просвети́ мя. Покажи́ мя Твоé селéние еди́наго Ду́ха, и не ктому́ селéние грехá. Да я́ко Твоегó дóму, вхóдом причащéния, я́ко огня́ менé бежи́т всяк злодéй, вся́ка страсть. Моли́твенники Тебé приношу́ вся святы́я, чиноначáлия же безплóтных, Предтéчу Твоегó, му́дрыя апóстолы, к сим же Твою́ несквéрную чи́стую Мáтерь, и́хже мольбы́, Благоутрóбне, приими́, Христé мой, и сы́ном свéта содéлай Твоегó служи́теля. Ты бо Еди́н еси́ и освящéние нáших, Блáже, душ и свéтлость; и Тебé лепоподóбно, я́ко Бóгу и Влады́це, слáву вси возсылáем на всяк день.

Молитва 4-я

Тéло Твоé святóе, Гóсподи Иису́се Христé Бóже наш, да бу́дет ми в живóт вéчный, и Кровь Твоя́ честнáя во оставлéние грехóв: бу́ди же ми благодарéние сиé в рáдость, здрáвие и весéлие; в стрáшное же и Вторóе Пришéствие Твоé сподóби мя грéшнаго стáти одесну́ю слáвы Твоея́, моли́твами Пречи́стыя Твоея́ Мáтере, и всех святы́х.

Молитва 5-я, ко Пресвятой Богорóдице

Пресвятáя Влады́чице Богорóдице, свéте помрачéнныя моея́ души́, надéждо, покрóве, прибéжище, утешéние, рáдование моé, благодарю́ Тя я́ко сподóбила мя еси́, недостóйнаго, причáстника бы́ти пречи́стаго Тéла и честны́я Крóве Сы́на Твоегó. Но рóждшая и́стинный Свет, просвети́ моя́ умныя óчи сéрдца; Я́же истóчник безсмéртия рóждшая, оживотвори́ мя умерщвлéннаго грехóм; Я́же ми́лостиваго Бóга любоблагоутрóбная Мáти, поми́луй мя, и даждь ми умилéние, и сокрушéние в сéрдце моéм, и смирéние в мы́слех мои́х, и воззвáние в пленéниих помышлéний мои́х; и сподóби мя, до послéдняго издыхáния, неосуждéнно приимáти пречи́стых Тáин освящéние, во исцелéние души́ же и тéла. И подáждь ми слéзы покая́ния и исповéдания, во éже пéти и слáвити Тя во вся дни животá моегó, я́ко благословéнна и препрослáвленна еси́ во вéки. Ами́нь.

Ны́не отпущáеши рабá Твоегó, Влады́ко, по глагóлу Твоему́ с ми́ром: я́ко ви́деста óчи мои́ спасéние Твоé, éже еси́ уготóвал пред лицéм всех людéй, свет во откровéние язы́ков и слáву людéй Твои́х Изрáиля.

Святы́й Бо́же, Святы́й Крéпкий, Святы́й Безсмéртный, поми́луй нас (трижды).

Слáва Отцу́ и Сы́ну и Святóму Ду́ху, и ны́не и при́сно и во вéки векóв. Ами́нь.

Пресвятáя Трóице, поми́луй нас; Гóсподи, очи́сти грехи́ нáша; Влады́ко, прости́ беззакóния нáша; Святы́й, посети́ и исцели́ нéмощи нáша, и́менé Твоегó рáди.

Гóсподи поми́луй (трижды).

Óтче наш, И́же еси́ на небесéх! Да святи́тся и́мя Твоé, да прии́дет Цáрствие Твоé, да бу́дет во́ля Твоя, я́ко на небеси́ и на земли́. Хлеб наш насу́щный даждь нам днесь; и остáви нам дóлги нáша, я́коже и мы оставля́ем должникóм нáшим; и не введи́ нас во искушéние, но избáви нас от лукáваго.

Тропарь святому Иоанну Златоустому, глас 8-й:

Уст твои́х, я́коже свéтлость огня, возсия́вши благодáть, вселéнную просвети́; не сребролю́бия ми́рови сокрóвища снискá, высоту́ нам смиренному́дрия показá, но твои́ми словесы́ наказу́я, óтче Иоáнне Златоу́сте, моли́ Слóва Христá Бóга спасти́ся душáм нáшим.

Слава: От небéс прия́л еси́ Божéственную благодáть, и твои́ми устнáми вся учи́ши покланя́тися в Трóице Еди́ному Бóгу, Иоáнне Златоу́сте всеблажéнне, преподóбне, достóйно хвáлим тя: еси́ бо настáвник, я́ко Божéственная явля́я.

И ныне: Предстáтельство христиáн непосты́дное, ходáтайство ко Творцу́ непрелóжное, не прéзри грéшных молéний глáсы, но предвари́, я́ко Благáя, на пóмощь нас, вéрно зову́щих Ти: ускори́ на моли́тву, и потщи́ся на умолéние, предстáтельствующи при́сно, Богорóдице, чту́щих Тя.

Если совершалась литургия святого Василия Великого, читай тропарь Василию Великому, глас 1-й:

Во всю зéмлю изы́де вещáние твоé, я́ко приéмшую слóво твоé, и́мже боголéпно научи́л еси́, естествó су́щих уясни́л еси́, человéческия обы́чаи украси́л еси́, цáрское свящéние, óтче преподóбне, моли́ Хри́ста Бóга, спасти́ся душáм нáшим.

Слава: Яви́лся еси́ основáние непоколеби́мое Цéркве, подая́ всем некрадóмое госпóдство человéком, запечатлéя твои́ми велéньми, небоявлéнне Васи́лие преподóбне.

И ныне: Предстáтельство христи́ан…

Если совершалась литургия Преждеосвященных Даров, читай тропарь святому Григорию Двоеслову, глас 4-й:

И́же от Бóга свы́ше Божéственную благодáть восприéм, слáвне Григóрие, и Тогó си́лою укрепля́емь, евáнгельски шéствовати извóлил еси́, отону́дуже у Христá возмéздие трудóв прия́л еси́, всеблажéнне: Егóже моли́, да спасéт ду́ши нáша.

Слава: Подобоначáльник показáлся еси́ Начáльника пáстырем Христá, и́ноков чреды́, óтче Григóрие, ко огрáде небéсней наставля́я, и отту́ду научи́л еси́ стáдо Христóво зáповедем Егó: ны́не же с ни́ми рáдуешися, и лику́еши в небéсных крóвех.

И ныне: Предстáтельство христиáн.

Гóсподи поми́луй (12 раз).

После причащения да пребывает каждый в чистоте, воздержании и немногословии, чтобы достойно сохранить в себе Христа принятого.

Канон Ангелу Хранителю

Тропарь, глас 6

Ангеле Божий, храни́телю мой святы́й, живо́т мой соблюди́ во стра́се Христа́ Бо́га, ум мой утверди́ во и́стиннем пути́, и к любви́ го́рней уязви́ ду́шу мою́, да тобо́ю направля́емь, получу́ от Христа́ Бо́га ве́лию ми́лость.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен

Свя́тая Влады́чице, Христ́а Бо́га на́шего Ма́ти, я́ко всех Творца́ недоуме́нно ро́ждшая, моли́ бла́гость Его́ всегда́, со храни́телем мои́м а́нгелом, спасти́ ду́шу мою́, страстьми́ одержи́мую, и оставле́ние грехо́в дарова́ти ми.

Канон, глас 8

Песнь 1

Ирмо́с: Пои́м Го́сподеви, прове́дшему лю́ди Своя́ сквозе́ Чермно́е мо́ре, я́ко еди́н сла́вно просла́вися.

Иисусу: Го́споди Иису́се Христе́ Бо́же мой, поми́луй мя.

Песнь воспе́ти и восхвали́ти, Спа́се, Твоего́ раба́ досто́йно сподо́би, безпло́тному а́нгелу, наста́внику и храни́телю моему́.

Припев: Святы́й а́нгеле Бо́жий, храни́телю мой, моли́ Бо́га о мне.

Еди́н аз в неразу́мии и в ле́ности ны́не лежу́, наста́вниче мой и храни́телю, не оста́ви мене́ погиба́юща.

Сла́ва Отцу́ и Сы́ну и Свято́му Ду́ху.

Ум мой твое́ю моли́твою напра́ви, твори́ти ми Бо́жия повеле́ния, да получу́ от Бо́га отда́ние грехо́в, и ненави́дети ми злых наста́ви мя, молю́ся ти.

И ны́не и при́сно и во ве́ки веко́в. Ами́нь.

Моли́ся, Деви́це, о мне, рабе́ Твое́м, ко Благода́телю, со храни́телем мои́м а́нгелом, и наста́ви мя твори́ти за́поведи Сы́на Твоего́ и Творца́ моего́.

Песнь 3

Ирмо́с: Ты еси́ утвержде́ние притека́ющих к Тебе́, Го́споди, Ты еси́ свет омраче́нных, и пое́т Тя дух мой.

Святы́й а́нгеле Бо́жий, храни́телю мой, моли́ Бо́га о мне.

Все помышле́ние мое́ и ду́шу мою́ к тебе́ возложи́х, храни́телю мой; ты от вся́кия мя напа́сти вра́жия изба́ви.

Святы́й а́нгеле Бо́жий, храни́телю мой, моли́ Бо́га о мне.

Враг попира́ет мя, и озлобл́яет, и поуча́ет всегда́ твори́ти своя́ хоте́ния; но ты, наста́вниче мой, не оста́ви мене́ погиба́юща.

Сла́ва Отцу́ и Сы́ну и Свято́му Ду́ху.

Пе́ти песнь со благодаре́нием и усе́рдием Творцу́ и Бо́гу даждь ми, и тебе́, благо́му а́нгелу храни́телю моему́: изба́вителю мой, изми́ мя от враг озлобля́ющих мя.

И ны́не и при́сно и во ве́ки веко́в. Ами́нь.

Исцели́, Пречи́стая, моя́ многонеду́жныя стру́пы, я́же в души́, прожени́ враги́, и́же при́сно бо́рются со мно́ю.

Седален, глас 2

От любве́ душе́вныя вопию́ ти, храни́телю моея́ души́, всесвяты́й мой а́нгеле: покры́й мя и соблюди́ от лука́ваго ловле́ния всегда́, и к жи́зни наста́ви небе́сней, вразумля́я и просвеща́я и укрепля́я мя.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен

Богоро́дице безневе́стная Пречи́стая, Яже без се́мене ро́ждши всех Влады́ку, Того́ со а́нгелом храни́телем мои́м моли́, изба́вити ми ся вся́каго недоуме́ния, и да́ти умиле́ние и свет души́ мое́й и согреше́нием очище́ние, Яже еди́на вско́ре заступа́ющи.

Песнь 4

Ирмо́с: Услы́шах, Го́споди, смотре́ния Твоего́ та́инство, разуме́х дела́ Твоя́, и просла́вих Твое́ Божество́.

Святы́й а́нгеле Бо́жий, храни́телю мой, моли́ Бо́га о мне.

Моли́ Человеколю́бца Бо́га ты, храни́телю мой, и не оста́ви мене́, но при́сно в ми́ре житие́ мое́ соблюди́ и пода́ждь ми спасе́ние необори́мое.

Святы́й а́нгеле Бо́жий, храни́телю мой, моли́ Бо́га о мне.

Яко засту́пника и храни́теля животу́ моему́ прие́м тя от Бо́га, а́нгеле, молю́ тя, святы́й, от вся́ких мя бед свободи́.

Сла́ва Отцу́ и Сы́ну и Свято́му Ду́ху.

Мою́ скве́рность твое́ю святы́нею очи́сти, храни́телю мой, и от ча́сти шу́ия да отлуче́н бу́ду моли́твами твои́ми и прича́стник сла́вы явлю́ся.

И ны́не и при́сно и во ве́ки веко́в. Ами́нь.

Недоуме́ние предлежи́т ми от обыше́дших мя зол, Пречи́стая, но изба́ви мя от них ско́ро: к Тебе́ бо еди́ней прибего́х.

Песнь 5

Ирмо́с: Утренююще вопие́м Ти: Го́споди, спаси́ ны; Ты бо еси́ Бог наш, ра́зве Тебе́ ино́го не ве́мы.

Святый а́нгеле Бо́жий, храни́телю мой, моли́ Бо́га о мне.

Яко име́я дерзнове́ние к Бо́гу, храни́телю мой святы́й, Сего́ умоли́ от оскорбля́ющих мя зол изба́вити.

Святы́й а́нгеле Бо́жий, храни́телю мой, моли́ Бо́га о мне.

Све́те све́тлый, све́тло просвети́ ду́шу мою́, наста́вниче мой и храни́телю, от Бо́га да́нный ми а́нгеле.

Сла́ва Отцу́ и Сы́ну и Свято́му Ду́ху.

Спя́ща мя зле тягото́ю грехо́вною, я́ко бдя́ща сохрани́, а́нгеле Бо́жий, и возста́ви мя на славосло́вие моле́нием твои́м.

И ны́не и при́сно и во ве́ки веко́в. Ами́нь.

Мари́е, Госпоже́ Богоро́дице Безневе́стная, наде́ждо ве́рных, вра́жия возноше́ния низложи́, пою́щия же Тя возвесели́.

Песнь 6

Ирмо́с: Ри́зу ми пода́ждь све́тлу, одея́йся све́том я́ко ри́зою, многоми́лостиве Христе́ Бо́же наш.

Святы́й а́нгеле Бо́жий, храни́телю мой, моли́ Бо́га о мне.

Вся́ких мя напа́стей свободи́, и от печа́лей спаси́, молю́ся ти, святы́й а́нгеле, да́нный ми от Бо́га, храни́телю мой до́брый.

Святы́й а́нгеле Бо́жий, храни́телю мой, моли́ Бо́га о мне.

Освети́ ум мой, бла́же, и просвети́ мя, молю́ся ти, святы́й а́нгеле, и мы́слити ми поле́зная всегда́ наста́ви мя.

Сла́ва Отцу́ и Сы́ну и Свято́му Ду́ху.

Уста́ви се́рдце мое́ от настоя́щаго мяте́жа, и бде́ти укрепи́ мя во благи́х, храни́телю мой, и наста́ви мя чу́дно к тишине́ живо́тней.

И ны́не и при́сно и во ве́ки веко́в. Ами́нь.

Слово Божие в Тя вселися, Богородице, и человеком Тя показа небесную лествицу; Тобою бо к нам Вышний сошел есть.

Кондак, глас 4

Яви́ся мне милосе́рд, святы́й а́нгеле Госпо́день, храни́телю мой, и не отлуча́йся от мене́, скве́рнаго, но просвети́ мя све́том неприкоснове́нным и сотвори́ мя досто́йна Ца́рствия Небе́снаго.

Икос

Уничиже́нную ду́шу мою́ мно́гими собла́зны, ты, святы́й предста́телю, неизрече́нныя сла́вы небе́сныя сподо́би, и певе́ц с ли́ки безпло́тных сил Бо́жиих, поми́луй мя и сохрани́, и по́мыслы до́брыми ду́шу мою́ просвети́, да твое́ю сла́вою, а́нгеле мой, обогащу́ся, и низложи́ зломы́слящия мне враги́, и сотвори́ мя досто́йна Ца́рствия Небе́снаго.

Песнь 7

Ирмо́с: От Иуде́и доше́дше о́троцы, в Вавило́не иногда́, ве́рою Тро́ическою пла́мень пе́щный попра́ша, пою́ще: отце́в Бо́же, благослове́н еси́.

Святы́й а́нгеле Бо́жий, храни́телю мой, моли́ Бо́га о мне.

Ми́лостив бу́ди ми, и умоли́ Бо́га, Госпо́день а́нгеле, име́ю бо тя засту́пника во всем животе́ мое́м, наста́вника же и храни́теля, от Бо́га дарова́ннаго ми во ве́ки.

Святы́й а́нгеле Бо́жий, храни́телю мой, моли́ Бо́га о мне.

Не оста́ви в путь ше́ствующия души́ моея́ окая́нныя уби́ти разбо́йником, святы́й а́нгеле, я́же ти от Бо́га предана́ бысть непоро́чне; но наста́ви ю́ на путь покая́ния.

Сла́ва Отцу́ и Сы́ну и Свято́му Ду́ху.

Всю посра́млену ду́шу мою́ привожду́ от лука́вых ми по́мысл и дел: но предвари́, наста́вниче мой, и исцеле́ние ми пода́ждь благи́х по́мысл, уклоня́ти ми ся всегда́ на пра́выя стези́.

И ны́не и при́сно и во ве́ки веко́в. Ами́нь.

Прему́дрости испо́лни всех и кре́пости Боже́ственныя, Ипоста́сная Прему́дросте Вы́шняго, Богоро́дицы ра́ди, ве́рою вопию́щих: отец на́ших Бо́же, благослове́н еси́.

Песнь 8

Ирмо́с: Царя́ Небе́снаго, Его́же пою́т во́и а́нгельстии, хвали́те и превозноси́те во вся ве́ки.

Святы́й а́нгеле Бо́жий, храни́телю мой, моли́ Бо́га о мне.

От Бо́га по́сланный, утверди́ живо́т мой, раба́ твоего́, преблаги́й а́нгеле, и не оста́ви мене́ во ве́ки.

Святы́й а́нгеле Бо́жий, храни́телю мой, моли́ Бо́га о мне.

Ангела тя су́ща бла́га, души́ моея́ наста́вника и храни́теля, преблаже́нне, воспева́ю во ве́ки.

Сла́ва Отцу́ и Сы́ну и Свято́му Ду́ху.

Бу́ди ми покро́в и забра́ло в день испыта́ния всех челове́к, во́ньже огне́м искуша́ются дела́ блага́я же и зла́я.

И ны́не и при́сно и во ве́ки веко́в. Ами́нь.

Бу́ди ми помо́щница и тишина́, Богоро́дице Присноде́во, рабу́ Твоему́, и не оста́ви мене́ лише́на бы́ти Твоего́ влады́чества.

Песнь 9

Ирмо́с: Вои́стинну Богоро́дицу Тя испове́дуем, спасе́ннии Тобо́ю, Де́во Чи́стая, с безпло́тными ли́ки Тя велича́юще.

Иисусу: Го́споди Иису́се Христе́ Бо́же мой, поми́луй мя.

Поми́луй мя, еди́не Спа́се мой, я́ко ми́лостив еси́ и милосе́рд, и пра́ведных лико́в сотвори́ мя прича́стника.

Святы́й а́нгеле Бо́жий, храни́телю мой, моли́ Бо́га о мне.

Мы́слити ми при́сно и твори́ти, Госпо́день а́нгеле, блага́я и поле́зная да́руй, я́ко си́льна яви́ в не́мощи и непоро́чна.

Сла́ва Отцу́ и Сы́ну и Свято́му Ду́ху.

Яко име́я дерзнове́ние к Царю́ Небе́сному, Того́ моли́, с про́чими безпло́тными, поми́ловати мя окая́ннаго.

И ны́не и при́сно и во ве́ки веко́в. Ами́нь.

Мно́го дерзнове́ние иму́щи, Де́во, к Вопло́щшемуся из Тебе́, преложи́ мя от уз и разреше́ние ми пода́ждь и спасе́ние, моли́твами Твои́ми.

Молитва к ангелу хранителю

Святы́й а́нгеле Бо́жий, храни́телю мой, моли́ Бо́га о мне.

Канон покаянный ко Господу нашему Иисусу Христу

Глас 6

Песнь 1

Ирмо́с: Яко по су́ху пешеше́ствовав Изра́иль, по бе́здне стопа́ми, гони́теля фарао́на ви́дя потопля́ема, Богу побе́дную песнь пои́м, вопия́ше.

Припев: Поми́луй мя, Боже, поми́луй мя.

Ны́не приступи́х аз гре́шный и обремене́нный к Тебе, Влады́це и Богу моему́; не сме́ю же взира́ти на не́бо, то́кмо молю́ся, глаго́ля: даждь ми, Го́споди, ум, да пла́чуся дел моих горько.

Припев: Поми́луй мя, Боже, поми́луй мя.

О, го́ре мне гре́шному! Па́че всех челове́к окая́нен есмь, покая́ния несть во мне; даждь ми, Го́споди, сле́зы, да пла́чуся дел моих го́рько.

Сла́ва Отцу́ и Сы́ну и Свято́му Ду́ху.

Безу́мне, окая́нне челове́че, в ле́ности вре́мя губи́ши; помы́сли житие́ твое́, и обрати́ся ко Го́споду Богу, и пла́чися о де́лех твои́х го́рько.

И ны́не и при́сно и во ве́ки веко́в. Ами́нь.

Мати Божия Пречистая, воззри на мя грешного, и от сети диаволи избави мя, и на путь покаяния настави мя, да плачуся дел моих горько.

Песнь 3

Ирмо́с: Несть свят, я́коже Ты, Го́споди Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.

Поми́луй мя, Боже, поми́луй мя.

Внегда́ поста́влени бу́дут престо́ли на суди́щи стра́шнем, тогда всех челове́к дела́ облича́тся; го́ре та́мо будет гре́шным, в му́ку отсыла́емым; и то ве́дущи, душе́ моя, пока́йся от злых дел твои́х.

Поми́луй мя, Боже, поми́луй мя.

Пра́ведницы возра́дуются, а гре́шнии воспла́чутся, тогда́ никто́же возмо́жет помощи́ нам, но дела́ на́ша осу́дят нас; те́мже пре́жде конца́ пока́йся от злых дел твои́х.

Сла́ва Отцу́ и Сы́ну и Свято́му Ду́ху.

Увы́ мне великогре́шному, и́же де́лы и мы́сльми оскверни́вся, ни ка́пли слез име́ю от жестосе́рдия; ны́не возни́кни от земли́, душе́ моя, и пока́йся от злых дел твои́х.

И ны́не и при́сно и во ве́ки веко́в. Ами́нь.

Се, взыва́ет, Госпоже́, Сын Твой, и поуча́ет нас на до́брое, аз же гре́шный добра́ всегда́ бе́гаю; но Ты, Ми́лостивая, поми́луй мя, да пока́юся от злых мои́х дел.

Седа́лен, глас 6

Помышля́ю день стра́шный и пла́чуся дея́ний мои́х лука́вых: ка́ко отвеща́ю Безсме́ртному Царю́, или ко́им дерзнове́нием воззрю́ на Судию́, блу́дный аз? Благоутро́бный О́тче, Сыне Единоро́дный и Ду́ше Святы́й, поми́луй мя.

Сла́ва Отцу́ и Сы́ну и Свято́му Ду́ху. И ны́не и при́сно и во ве́ки веко́в. Ами́нь.

Богоро́дичен

Свя́зан мно́гими ны́не плени́цами грехо́в и содержи́мь лю́тыми страстьми́ и беда́ми, к Тебе прибега́ю, моему́ спасе́нию, и вопию́: помози́ ми, Де́во, Ма́ти Бо́жия.

Песнь 4

Ирмо́с: Христо́с моя си́ла, Бог и Госпо́дь, честна́я Це́рковь боголе́пно пое́т, взыва́ющи от смы́сла чи́ста, о Го́споде пра́зднующи.

Поми́луй мя, Боже, поми́луй мя.

Широ́к путь зде и уго́дный сла́сти твори́ти, но го́рько бу́дет в после́дний день, егда́ душа́ от те́ла разлуча́тися бу́дет: блюди́ся от сих, челове́че, Ца́рствия ра́ди Бо́жия.

Поми́луй мя, Боже, поми́луй мя.

Почто́ убо́гаго оби́диши, мзду нае́мничу уде́ржуеши, бра́та твоего́ не лю́биши, блуд и го́рдость го́ниши? Оста́ви у́бо сия́, душе́ моя, и пока́йся Ца́рствия ра́ди Бо́жия.

Сла́ва Отцу́ и Сы́ну и Свято́му Ду́ху.

О, безу́мный челове́че, доко́ле углеба́еши, яко пчела́, собира́ющи бога́тство твое́? Вско́ре бо поги́бнет, яко прах и пе́пел: но бо́лее взыщи́ Ца́рствия Бо́жия.

И ны́не и при́сно и во ве́ки веко́в. Ами́нь.

Госпоже́ Богоро́дице, поми́луй мя гре́шнаго, и в доброде́тели укрепи́, и соблюди́ мя, да на́глая смерть не похи́тит мя негото́ваго, и доведи́ мя, Де́во, Ца́рствия Бо́жия.

Песнь 5

Ирмо́с: Бо́жиим све́том Твои́м, Бла́же, у́тренюющих Ти ду́ши любо́вию озари́, молю́ся, Тя ве́дети, Сло́ве Бо́жий, и́стиннаго Бога, от мра́ка грехо́внаго взыва́юща.

Поми́луй мя, Боже, поми́луй мя.

Воспомяни́, окая́нный челове́че, ка́ко лжам, клевета́м, разбо́ю, не́мощем, лю́тым звере́м, грехо́в ра́ди порабоще́н еси́; душе́ моя́ гре́шная, того́ ли восхоте́ла еси́?

Поми́луй мя, Боже, поми́луй мя.

Трепе́щут ми у́ди, все́ми бо сотвори́х вину́: очи́ма взира́яй, уши́ма слы́шай, язы́ком зла́я глаго́ляй, всего́ себе́ гее́нне предая́й; душе́ моя гре́шная, сего́ ли восхоте́ла еси́?

Сла́ва Отцу́ и Сы́ну и Свято́му Ду́ху.

Блудника́ и разбо́йника ка́ющася прия́л еси́, Спа́се, аз же еди́н ле́ностию грехо́вною отягчи́хся и злым дело́м порабо́тихся, душе́ моя́ гре́шная, сего́ ли восхоте́ла еси́?

И ны́не и при́сно и во ве́ки веко́в. Ами́нь.

Ди́вная и ско́рая помо́щнице всем челове́ком, Ма́ти Бо́жия, помози́ мне недосто́йному, душа́ бо моя гре́шная того́ восхоте́.

Песнь 6

Ирмо́с: Жите́йское мо́ре, воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́лостиве.

Поми́луй мя, Боже, поми́луй мя.

Житие́ на земли́ блу́дно пожи́х и ду́шу во тьму́ преда́х, ны́не у́бо молю́ Тя, Ми́лостивый Влады́ко: свободи́ мя от рабо́ты сея́ вра́жия, и даждь ми ра́зум твори́ти во́лю Твою́.

Поми́луй мя, Боже, поми́луй мя.

Кто твори́т такова́я, я́коже аз? Якоже бо свиния́ лежи́т в калу́, та́ко и аз греху́ служу́. Но Ты, Го́споди, исто́ргни мя от гну́са сего́ и даждь ми се́рдце твори́ти за́поведи Твоя́.

Сла́ва Отцу́ и Сы́ну и Свято́му Ду́ху.

Воспряни́, окая́нный челове́че, к Богу, воспомяну́в своя́ согреше́ния, припа́дая ко Творцу́, слезя́ и стеня́; То́й же, я́ко милосе́рд, даст ти ум зна́ти во́лю Свою́.

И ны́не и при́сно и во ве́ки веко́в. Ами́нь.

Богоро́дице Де́во, от ви́димаго и неви́димаго зла сохрани́ мя, Пречи́стая, и приими́ моли́твы моя́, и донеси́ я́ Сы́ну Твоему́, да даст ми ум твори́ти во́лю Его́.

Конда́к

Душе́ моя, почто́ греха́ми богате́еши, почто́ во́лю диа́волю твори́ши, в чесо́м наде́жду полага́еши? Преста́ни от сих и обрати́ся к Богу с пла́чем, зову́щи: милосе́рде Го́споди, поми́луй мя гре́шнаго.

Икос

Помы́сли, душе́ моя, го́рький час сме́рти и стра́шный суд Творца́ твоего́ и Бога: а́нгели бо гро́знии по́ймут тя, душе́, и в ве́чный огнь введу́т: у́бо пре́жде сме́рти пока́йся, вопию́щи: Го́споди, поми́луй мя гре́шнаго.

Песнь 7

Ирмо́с: Росода́тельну у́бо пещь соде́ла а́нгел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Боже оте́ц на́ших.

Поми́луй мя, Боже, поми́луй мя.

Не наде́йся, душе́ моя, на тле́нное бога́тство и на непра́ведное собра́ние, вся бо сия́ не в́еси кому́ оста́виши, но возопи́й: поми́луй мя, Христе́ Боже, недосто́йнаго.

Поми́луй мя, Боже, поми́луй мя.

Не упова́й, душе́ моя, на теле́сное здра́вие и на скоромимоходя́щую красоту́, ви́диши бо, яко си́льнии и млади́и умира́ют; но возопи́й: поми́луй мя, Христе́ Боже, недосто́йнаго.

Сла́ва Отцу́ и Сы́ну и Свято́му Ду́ху.

Воспомяни́, душе́ моя, ве́чное житие́, Ца́рство Небе́сное, угото́ванное святы́м, и тьму кроме́шную и гнев Бо́жий злым, и возопи́й: поми́луй мя, Христе́ Боже, недосто́йнаго.

И ны́не и при́сно и во ве́ки веко́в. Ами́нь.

Припади́, душе́ моя, к Бо́жией Ма́тери и помоли́ся Той, есть бо ско́рая помо́щница ка́ющимся, умо́лит Сы́на Христа Бога, и поми́лует мя недосто́йнаго.

Песнь 8

Ирмо́с: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси́: вся бо́ твори́ши, Христе́, то́кмо е́же хоте́ти. Тя превозно́сим во вся ве́ки.

Поми́луй мя, Боже, поми́луй мя.

Ка́ко не и́мам пла́катися, егда́ помышля́ю смерть, ви́дех бо во гро́бе лежа́ща бра́та моего́, безсла́вна и безобра́зна? Что у́бо ча́ю, и на что наде́юся? То́кмо даждь ми, Го́споди, пре́жде конца́ покая́ние. (Дважды)

Сла́ва Отцу́ и Сы́ну и Свято́му Ду́ху.

Ве́рую, яко прии́деши суди́ти живы́х и ме́ртвых, и вси во свое́м чи́ну ста́нут, ста́рии и млади́и, влады́ки и кня́зи, де́вы и свяще́нницы; где обря́щуся аз? Сего́ ра́ди вопию́: даждь ми, Го́споди, пре́жде конца́ покая́ние.

И ны́не и при́сно и во ве́ки веко́в. Ами́нь.

Пречи́стая Богоро́дице, приими́ недосто́йную моли́тву мою и сохрани́ мя от на́глыя сме́рти, и да́руй ми пре́жде конца́ покая́ние.

Песнь 9

Ирмо́с: Бога челове́ком невозмо́жно ви́дети, на Него́же не сме́ют чи́ни а́нгельстии взира́ти; Тобо́ю же, Всечи́стая, яви́ся челове́ком Сло́во Воплоще́нно, Его́же велича́юще, с небе́сными во́и Тя ублажа́ем.

Поми́луй мя, Боже, поми́луй мя.

Ны́не к вам прибега́ю, а́нгели, а́рхангели и вся Небе́сныя Си́лы, у Престо́ла Бо́жия стоя́щии, моли́теся ко Творцу́ своему́, да изба́вит ду́шу мою́ от му́ки ве́чныя.

Поми́луй мя, Боже, поми́луй мя.

Ны́не пла́чуся к вам, святи́и патриа́рси, ца́рие и проро́цы, апо́столи и святи́телие и вси избра́ннии Христо́вы: помози́те ми на суде́, да спасе́т ду́шу мою́ от си́лы вра́жия.

Сла́ва Отцу́ и Сы́ну и Свято́му Ду́ху.

Ны́не к вам воздежу́ ру́це, святи́и му́ченицы, пусты́нницы, де́вственницы, пра́ведницы и вси святи́и, моля́щиися ко Го́споду за весь мир, да поми́лует мя в час сме́рти моея́.

И ны́не и при́сно и во ве́ки веко́в. Ами́нь.

Ма́ти Божия, помози́ ми, на Тя си́льне наде́ющемуся, умоли́ Сына Своего́, да поста́вит мя недосто́йнаго одесну́ю Себе́, егда́ ся́дет судя́й живы́х и ме́ртвых, ами́нь.

Молитва

Го́споди Иису́се Христе́, Сы́не Бо́жий, поми́луй мя гре́шнаго.

Влады́ко Христе́ Бо́же, Иже страстьми́ Свои́ми стра́сти моя исцели́вый и я́звами Свои́ми я́звы моя уврачева́вый, да́руй мне, мно́го Тебе прегреши́вшему, сле́зы умиле́ния; сраствори́ моему́ те́лу от обоня́ния Животвор́щаго Те́ла Твоего́, и наслади́ ду́шу мою Твое́ю Честно́ю Кро́вию от го́рести, е́юже мя сопроти́вник напои́; возвы́си мой ум к Тебе́, до́лу пони́кший, и возведи́ от про́пасти поги́бели: яко не и́мам покая́ния, не и́мам умиле́ния, не и́мам слезы́ уте́шительныя, возводя́щия ча́да ко своему́ насле́дию. Омрачи́хся умо́м в жите́йских страсте́х, не могу́ воззре́ти к Тебе в боле́зни, не могу́ согре́тися слеза́ми, яже к Тебе любве́. Но, Влады́ко Го́споди Иису́се Христе́, сокро́вище благи́х, да́руй мне покая́ние всеце́лое и се́рдце люботру́дное во взыска́ние Твое́, да́руй мне благода́ть Твою и обнови́ во мне зра́ки Твоего́ о́браза. Оста́вих Тя, не оста́ви мене́; изы́ди на взыска́ние мое́, возведи́ к па́жити Твое́й и сопричти́ мя овца́м избра́ннаго Твоего́ ста́да, воспита́й мя с ни́ми от зла́ка Боже́ственных Твои́х Та́инств, моли́твами Пречи́стыя Твоея́ Ма́тере и всех святы́х Твои́х. Ами́нь.

Нужны ли формальные критерии подготовки к Причащению?

«Правмир» продолжает публикацию отзывов на проект документа «О подготовке ко Святому Причащению». Напомним, что в прошлом году комиссия Межсоборного присутствия Русской православной церкви, председателем которой является Патриарх Кирилл, предложила для широкого обсуждения несколько проектов документов, касающихся актуальных тем церковной жизни. 11 сентября 2013 года они были опубликованы в ряде церковных СМИ и разосланы по епархиям для получения отзывов. Священноначалие предлагает документы для общецерковной дискуссии, которая завершится 20 ноября.

Протоиерей Игорь Савва – настоятель больничного храма во имя святых мучениц Веры, Надежды, Любови и матери их Софии в городе Запорожье (Украина). Имеет светское высшее техническое образование, после рукоположения учился в Курской семинарии, окончил ПСТГУ.

Протоиерей Игорь Савва

В проекте документа есть одна особенность. Он приравнивает подготовку ко Святому Причащению к выполнению ряда формальных требований. Эти требования таковы: говение, евхаристический пост, чтение «Последования ко Святому Причащению», исповедание грехов. Все внимание в документе направлено на то, чтобы определить меру этих требований, что можно сократить, а что сокращению или отмене не подлежит.

Такое понимание подготовки к Причащению нам хорошо знакомо. Оно царит в нашей Церкви уже сотни лет. Именно с таким пониманием мы встретились, когда пришли в Церковь в начале 90-х годов. С ним же, чаще всего, сталкиваются те, кто приходит в Церковь сегодня.

На протяжении многих лет приходится сталкиваться с типичными ситуациями. Человек приходит в Церковь с мировоззренческим вопросом, а в ответ слышит: три дня попостись, прочитай три канона и приходи причащаться, сам все поймешь. Бабушки, готовя своих внуков к Причащению, как и раньше, говорят им не о Христе и Евангелии, а о том, чего нельзя кушать и что нужно прочитать.

Подготовка к Причащению необходима, в этом нет никакого сомнения. Человек готовится, приступая к любому делу, и успех дела часто зависит от подготовки. Тем более необходимо готовиться к центральному, осевому таинству Православной церкви. Вопрос в том, что является такой подготовкой?

Готовится ли к Причастию умирающий человек, которого родные накормили перед самым приходом священника? Несомненно. Это видно по его глазам и по той жажде, с которой он встречает Святые Дары. Готовится ли к Причастию пятилетний ребенок, еще не умеющий читать, тем более, по-славянски, но услышавший от родителей, что завтра им предстоит очень важное событие? Конечно, готовится, его подготовка может быть глубже, качественнее, чем у многих взрослых.

Готовится ли к Причастию человек, впервые сбросивший с себя груз многолетних грехов на исповеди, и, еще не зная ни о каком правиле, подведенный к Чаше? Такой подготовке позавидует любой «старо-верующий». Эти случаи объединяет одно, все трое не прочитали Последования ко Святому Причащению и не постились, как положено.

Подготовка к Причастию – это не вычитывание и говение, это – предвкушение таинства, внутренний настрой на Причащение, размышление о его значении, проверка состояния своей души. Подготовка — это стяжание того самого страха Божия и веры, о которых говорит священник перед чашей. Подготовка к Причащению начинается с того момента, когда человек захотел причаститься и заканчивается самим Причастием, а не ограничивается каким-то определенным временем перед сном, или после просыпания. Иногда приходится слышать от верующих, в ответ на вопрос: «готовитесь ли Вы причащаться?», ответ: «Уже подготовилась, батюшка».

Подготовка к Причастию неотделима от христианской жизни, христианского мироощущения и состояния души. Справедливости ради надо сказать, что об этом упоминается в проекте документа: «При подготовке ко Святому Причащению необходимо помнить, что целью говения является не внешнее выполнение формальных условий, но обретение покаянного состояния души, искреннее прощение и примирение с ближними… Не допускается причащаться в состоянии озлобленности, гнева, при наличии тяжелых неисповеданных грехов или непрощенных обид. Дерзающие приступать к евхаристическим Дарам в таком помраченном состоянии души сами подвергают себя суду Божию». Всего два предложения, а ведь это – самое главное.

Говение, евхаристический пост и чтение Последования, — это только инструменты подготовки, а не сама подготовка. Церковь внимательно сохранила тексты молитв святых, чтобы предложить их тем, кто не находит в своей душе нужных слов. Опыт поста дает она тем, кто сам не имеет должной решимости к воздержанию. Но, таков закон закваски, от которой предостерегал нас Христос (Мф.16,6): мы охотно заменяем настоящее, но невидимое, внутреннее делание, тем, которое хорошо видно как нам, так и окружающим, потому, что оно внешнее. Так легче.

Подмена подготовки к Причащению формальными требованиями имеет еще одно, более разрушительное следствие. Как-то я задал вопрос одной женщине, готовящейся к Причащению: «Достойны ли Вы Причастия?» Нисколько не сомневаясь, она твердо сказала: «Да, конечно». «А читали ли Вы Последование ко Святому Причащению?» «Да, все что положено вычитала!» Но ведь, в этом последовании в каждой молитве мы встречаем одну и ту же мысль: «Во причастие святынь Твоих како вниду, недостойный?» «Твоего Пречистаго Тела и Божественныя Крове недостоин есмь, Христе, причащения» «от еже недостойне тем причащатися» «Вем, Господи, яко недостойне причащаюся»… и т. д. и т. д. Этот случай не единичный. То же суждение о собственном достоинстве я слышу на протяжении всех лет священнического служения. Как могло возникнуть такое недоразумение? Человек читает длинное правило, в каждой молитве которого называет себя недостойным подойти к Чаше, а когда это правило заканчивается он приобретает убеждение, что в результате этого чтения стал достойным.

Недостоинство, о котором говорится в молитвах связано не только и не столько с личными грехами. Недостоинство – это та пропасть, которая разделяет человека, природа которого искажена грехом, и Бога. Причащение способно преодолеть эту пропасть, соединить их. Потому оно так и называется Причащение, приобщение. Но Бог зовет человека к приобщению не потому, что тот, совершив подвиг говения и «вычитывания», стал чистым и достойным самого Бога, а не смотря на его недостоинство.

Мы должны подойти к Чаше с ощущением недостоинства, чтобы воспринять великую милость Божию, преодолевающую пропасть между нами. В этом нам должно помочь последование, ведь оно разъясняет нам наше недостоинство. Мы же подходим к Чаше в спокойствии и уверенности, что причащаемся по праву, достойно, потому что прочитали последование и сделали все, «как положено».

Превратив подготовку к Причащению в исполнение формального правила, мы, фактически, уверяем себя в том, что его исполнением «зарабатываем» себе право на Причащение, а значит равенство с Самим Богом. Это богоборчество, скрытое за удобной маской фарисейства?

Проект документа содержит прекрасный исторический обзор разных эпох в истории Церкви и разных подходов к подготовке к таинству Причащения. Но необходимо не просто констатировать разность подходов в разные времена, а проанализировать причины возникновения такого разнообразия. Увидев, что наше время совсем не похоже, ни на дореволюционное, ни на советское, мы поймем, что подходы к подготовке к Причащению, выработанные тогда, сейчас неприменимы.

Конечно, речь не идет об отмене формальных правил подготовки к Причащению. Да это и невозможно, ни «снизу», ни, тем более, «сверху». Речь о том, чтобы основное внимание, и в пастырской деятельности и в предлагаемом проекте документа, уделить самой подготовке к Причащению, а не формальному ее выражению; индивидуальной ответственности человека за свою христианскую жизнь, а не внешним признакам этой жизни.