молитва усекновение главы пророка предтечи и Крестителя Господня Иоанна

Усекновение главы Иоанна Предтечи

11 сентября

Тропа́рь, гла́с 2:

Па́мять пра́веднаго с похвала́ми, тебе́ же довле́ет свиде́тельство Госпо́дне, Предте́че: показа́л бо ся еси́ вои́стинну и проро́ков честне́йший, я́ко и в струя́х крести́ти сподо́бился еси́ Пропове́даннаго. Те́мже за и́стину пострада́в, ра́дуяся, благовести́л еси́ и су́щим во а́де Бо́га, я́вльшагося пло́тию, взе́млющаго гре́х ми́ра и подаю́щаго на́м ве́лию ми́лость.

Конда́к, гла́с 5:

Предте́чево сла́вное усекнове́ние смотре́ние бы́сть не́кое Боже́ственное, да и су́щим во а́де Спа́сово пропове́сть прише́ствие. Да рыда́ет у́бо Ироди́я, беззако́нное уби́йство испроси́вши: не зако́н бо Бо́жий, ни живы́й ве́к возлюби́, но притво́рный, привре́менный.

Стихи́ра, гла́с 6:

Пляса́ учени́ца вселука́ваго диа́вола, и главу́ твою́, Предте́че, мзду́ взя́т. О, пи́ра, испо́лнена крове́й! Лу́чше бе́ не кля́тися, Ироде беззако́нне, лжи́ вну́че. Аще ли же и кля́лся еси́, но не о добре́ кля́лся: лу́чше бе́ солга́вшу жи́знь получи́ти, не́же и́стинствовавшу главу́ Предте́чеву усе́кнути. Но мы́ Крести́теля, я́ко в рожде́нных жена́ми бо́льша, досто́йно чту́ще, ублажа́ем.

Величание усекновению

Велича́ем тя,/ Крести́телю Спа́сов Иоа́нне,/ и почита́ем вси/ честны́я твоея́ главы́// усекнове́ние.

Молитва первая

Молитва вторая

Крести́телю Христо́в, честны́й Предте́че, кра́йний проро́че, пе́рвый му́чениче, по́стников и пусты́нников наста́вниче, чистоты́ учи́телю и бли́жний дру́же Христо́в! Тя молю́, и тебе́ прибега́ю не отри́ни мене́ от твоего́ заступле́ния, не оста́ви мя па́дшего мно́гими грехи́; обнови́ ду́шу мою́ покая́нием, я́ко вторы́м креще́нием; очи́сти мя, грехи́ оскверне́ннаго, и пону́ди вни́ти, а́може ничто́же скве́рно вхо́дит, в Ца́рствие Небе́сное. Ами́нь.

Канон святому пророку, Предтече и Крестителю Господню Иоанну

Тропарь , глас 2:

Па́мять пра́веднаго с похвала́ми, / тебе́ же довле́ет свиде́тельство Госпо́дне, Предте́че: / показа́л бо ся еси́ вои́стинну и проро́ков честне́йший, / я́ко и в струя́х крести́ти сподо́бился еси́ Пропове́даннаго. / Те́мже за и́стину пострада́в ра́дуяся, / благовести́л еси́ и су́щим во а́де Бо́га, я́вльшагося пло́тию, / взе́млющаго грех ми́ра / и подаю́щаго нам ве́лию ми́лость.

Канон святаго, глас 2.

Песнь 1.

Ирмос: Во глубине́ постла́ иногда́ / фараони́тское всево́инство преоруже́нная си́ла, / вопло́щшееся же Сло́во всезло́бный грех потреби́ло есть: / препросла́вленный Госпо́дь сла́вно бо просла́вися.

Припев: Святы́й вели́кий Иоа́нне Предте́че Госпо́день, моли́ Бо́га о нас.

Крести́телю и Предте́че Христо́в, / погружа́емый всегда́ сластьми́ теле́сными ум мой упра́ви / и во́лны страсте́й укроти́, / я́ко да в тишине́ Боже́ственней быв, песносло́влю тя.

Недоуме́нным просвети́вся просвеще́нием, / я́ко многосве́тлая звезда́, мы́сленному Восто́ку предте́кл еси́, / И́мже озари́тися се́рдцу моему́, Крести́телю, моли́, / омраче́нному все́ми бесо́вскими приложе́нии.

Слава: В реце́ бе́здну иногда́, Всему́дре, погрузи́л еси́, / пото́п содева́ющую благода́тию всего́ преступле́ния. / Но молю́ся, пото́ки, блаже́нне, мои́х прегреше́ний изсуши́, / Боже́ственным хода́тайством твои́м.

И ныне: Чи́стыя Де́вы, Бо́га воплоти́вшия, / сро́дник был еси́, блаже́нне Предте́че, / с Не́ю же тя чтим и мо́лим, / и́же в Боже́ственнем хра́ме твое́м ны́не живу́ще, / хра́мы и нас сотвори́ Ду́ха Свята́го.

Песнь 3.

Ирмос: На ка́мени мя ве́ры утверди́в, / разшири́л еси́ уста́ моя́ на враги́ моя́, / возвесели́бося дух мой, внегда́ пе́ти: / несть свят, я́коже Бог наш, / и несть пра́веден, па́че Тебе́, Го́споди.

Припев: Святы́й вели́кий Иоа́нне Предте́че Госпо́день, моли́ Бо́га о нас.

Исцели́ стру́пы души́ моея́ / и ум мой, омраче́нный небреже́нием, / озари́ Боже́ственным твои́м хода́тайством, Госпо́день Предте́че, / и вся́каго изба́ви мя сопроти́внаго обстоя́ния, молю́ся.

Непло́дствие разреши́л еси́ ро́ждшия, / роди́вся Бо́жиим промышле́нием, прему́дре проро́че; / непло́дное у́бо се́рдце мое́ / плодоно́сно ны́не соде́лай, Госпо́день Предте́че, хода́тайством твои́м, / доброде́телей приноси́ти прозябе́ния.

Слава: Любо́вию твое́ю созида́ющаго Боже́ственный дом, / вы́шняго жития́ улучи́ти моли́, / и́же ве́рою храму твоему́ служа́щия, / хра́мы Ду́ха Боже́ственнаго сотвори́, / Крести́телю и Предте́че, хода́тайствы твои́ми.

И ныне: Веселя́шеся Предте́ча, в ложесна́х носи́м ма́терних, / и покланя́шеся Го́споду, носи́му в ложесна́х Благода́тныя, / Его́же моли́ от вся́кия ско́рби изба́вити мя.

Го́споди, поми́луй, трижды.

Седален, глас 8.

Заха́риин глас све́тло разреши́ / Словесе́ глас ро́ждься, Предте́ча, / и зако́на непло́дие всем показа́, зовы́й: / пока́йтеся, су́щии на земли́, / се бо прии́де и яви́ся Иису́с, / вся хотя́ изба́вити от пе́рвыя кля́твы, просвеща́я Креще́нием. / Вои́стинну чу́до пресла́вно!

Сла́ва, глас 4.

Я́коже со́лнце све́тло, из чре́ва Елисаве́ти возсия́ нам Заха́риин сын, / и о́тчее разреши́ безгла́сие́, / и всем лю́дем в дерзнове́нии мно́зе, испра́вите, – вопия́, – путь Госпо́день, / и́бо Той свободи́т и спасе́т к Нему́ притека́ющия. / Его́же пропове́дал еси́, Иоа́нне, моли́ спасти́ся душа́м на́шим.

И ны́не, Богородичен:

Обнови́ла еси́, Чи́стая, Бо́же́ственным Рождество́м Твои́м / истле́вшее во страсте́х земноро́дных ме́ртвенное существо́ / и воздви́гла еси́ вся от сме́рти к животу́ нетле́ния. / Те́мже Тя по до́лгу блажи́м вси, Де́во Препросла́вленная, я́коже прорекла́ еси́.

Песнь 4.

Ирмос: Прише́л еси́ от Де́вы не хода́тай, ни А́нгел, / но Сам, Го́споди, вопло́щся, / и спасл еси́ всего́ мя, челове́ка. / Тем зову́ Ти: сла́ва си́ле Твое́й, Го́споди.

Припев: Святы́й вели́кий Иоа́нне Предте́че Госпо́день, моли́ Бо́га о нас.

Прекло́ншему небеса́ и челове́ком бесе́довавшу, / главу́ приклони́л еси́ десни́цею твое́ю, пребога́те; / е́юже мя соблюди́, / во смире́нии соблюда́я се́рдце мое́.

Пусты́ня тебе́ граждани́на непрохо́дная имя́ше, блаже́нне Предте́че, / те́мже вопию́ ти: / пу́сту вся́каго Боже́ственнаго дея́ния бы́вшу, / ду́шу мою́ снабди́.

Зако́н Боже́ственный управля́я, / беззако́нно закла́н был еси́. / Те́мже молю́ся тебе́: / беззако́ннующа мя всегда́ / и прельща́ема бесо́вскими прельще́ньми испра́ви.

Слава: Созда́в себе́ храм Влады́це Царю, / к Боже́ственным селе́нием ны́не преше́л еси́, Предте́че, / и́хже получи́ти моли́, тебе́ пресвяты́й дом Воздви́гшаго.

И ныне: При́зри на мя неду́гующаго, Всенепоро́чная, / и разреши́ стра́сти моя́ лю́тыя и неудобоисце́льныя, / я́ко да велича́ю Тя, / возвели́чившую все челове́чество.

Песнь 5.

Ирмос: Просвеще́ние во тьме лежа́щих, / спасе́ние отча́янных, Христе́, Спа́се мой, / к Тебе́ у́тренюю, Царю́ ми́ра, / просвети́ мя сия́нием Твои́м, / ино́го бо, ра́зве Тебе́, бо́га не зна́ю.

Припев: Святы́й вели́кий Иоа́нне Предте́че Госпо́день, моли́ Бо́га о нас.

В тече́ниих Иорда́нских струя́ нетле́ния, / Предте́че, крести́в Христа́, моли́, / истека́ния страсте́й мои́х изсуши́ти, / и пото́ки сла́достныя насле́довати, / и пра́ведных кра́снаго ра́дования.

Уже́ рыда́ю, и содрага́юся стра́хом, / и недоуме́нием всегда́ содержи́мь есмь, / помышля́я моя́ соде́ланная / и бу́дущий суд ужа́сный, Благоутро́бне Го́споди, / пощади́ мя Твоего́ Крести́теля мольба́ми.

Законополага́яй лю́дем спасе́ние, / в раска́янии Предте́че, прегреше́ний бы́вшее, / посреде́ зако́на и благода́ти стал еси́. / Сего́ ра́ди мо́лим тя: / образми́ покая́ния нас просвети́.

Слава: Даждь ми вре́мя покая́ния, / уны́нно преше́дшее все ижди́вшему Благоде́телю, / име́я на сие́ моля́щаго Тя, Сло́ве, / Иоа́нна вели́каго, Предте́чу и покая́ния всеми́рнаго пропове́дника.

И ныне: Наве́ты и ловле́нии льсти́ваго умертви́хся, Влады́чице Всенепоро́чная, / оживи́ мя, я́же ро́ждшая Живо́т всех, Богоро́дице, ипоста́сный, / да Тя пою́ благоче́стно Всенепоро́чную.

Песнь 6.

Ирмос: В бе́здне грехо́вней валя́яся, / неизсле́дную милосе́рдия Твоего́ призыва́ю бе́здну: / от тли, Бо́же, мя возведи́.

Припев: Святы́й вели́кий Иоа́нне Предте́че Госпо́день, моли́ Бо́га о нас.

Глас Сло́ва пропове́давый, / всех гла́сы восприе́м, / проси́ грехо́в проще́ние дарова́ти / ве́рою пою́щим тя.

Сокруше́ние души́ моея́ исцели́, / и грехо́в бре́мя разреши́, / и па́че наде́жды спаси́ мя моли́твами твои́ми, / блаже́нне Предте́че.

Слава: Иису́са, Его́же руко́ю твое́ю крести́л еси́, Предте́че, моли́, / руки́ мя изба́вити греха́, / взима́юща к Нему́ ру́це при́сно, всесла́вне.

И ныне: Дрема́нием ле́ностным одержи́мь есмь, / сон грехо́вный тяготи́т се́рдце мое́: / Твои́м, Пречи́стая, бде́нным хода́тайством, / воздви́гни и спаси́ мя.

Го́споди, поми́луй, трижды. Сла́ва, и ны́не:

Кондак, глас 3.

Пре́жде непло́ды днесь Христо́ва Предте́чу ражда́ет, / и той есть исполне́ние вся́каго проро́чества: / Его́же бо проро́цы пропове́даша, / на Сего́ во Иорда́не ру́ку положи́в, / яви́ся Бо́жия Сло́ва проро́к, пропове́дник, вку́пе и Предте́ча.

Восхва́лим ны́не Госпо́дня Предте́чу, / его́же свяще́ннику Елисаве́ть роди́ из ложе́сн непло́дных, но не без се́мене: / Христо́с бо еди́н вмести́лище про́йде непроходи́мо без се́мене. / Иоа́нна непло́ды роди́, без му́жа же сего́ не роди́, / Иису́са же, осене́нием Отца́ и Ду́ха Бо́жия, Де́ва роди́ Чи́стая. / Но Безсе́менному яви́ся от непло́дныя проро́к и пропове́дник, вку́пе и Предте́ча.

Песнь 7.

Ирмос: Богопроти́вное веле́ние беззако́ннующаго мучи́теля / высо́к пла́мень вознесло́ есть. / Христо́с же простре́ Богочести́вым отроко́м ро́су духо́вную, / Сый благослове́н и препросла́влен.

Припев: Святы́й вели́кий Иоа́нне Предте́че Госпо́день, моли́ Бо́га о нас.

Из ко́рене секи́рою твоего́ покая́ния / исто́рг я́звы стра́стнаго се́рдца моего́, / всади́, Предте́че, Боже́ственное безстра́стие / и страх чисте́йший Бо́жий, / вся́кия зло́бы отчужда́ющий мя.

Во струя́х Иорда́нских, я́ко крести́л еси́ / покрыва́ющаго вода́ми превы́спренняя Го́спода, / Того́ моли́ во́ду дарова́ти Боже́ственнаго умиле́ния / при́сно очи́ма мои́ма, сла́вный Предте́че.

Слава: И́же ми́ру взе́млющаго грех, / А́гнца Бо́жия, Предте́че, пропове́дав, / Того́ моли́ от ко́злищ ча́сти яви́ти мя чу́жда, / и десны́м Его́ овца́м и мене́ сочета́ти, сла́вне.

И ныне: Непло́дная утро́ба нося́ше Тя, Де́во, / во чре́ве носи́вшую Сло́во воплоще́нно, / Его́же Боже́ственными взыгра́нии вели́кий Предте́ча, / непло́дный всесвяты́й плод, / позна́ ра́дуяся и поклони́ся.

Песнь 8.

Ирмос: Пещь иногда́ о́гненная в Вавило́не де́йства разделя́ше, / Бо́жиим веле́нием халде́и опаля́ющая, / ве́рныя же ороша́ющая, пою́щия: / благослови́те, вся дела́ Госпо́дня, Го́спода.

Припев: Святы́й вели́кий Иоа́нне Предте́че Госпо́день, моли́ Бо́га о нас.

Даждь десни́цу мне, на земли́ лежа́щему, Предте́че, / и́же десни́цу просте́р и омы́л еси́ вода́ми Нескве́рнаго: / и изба́ви мя скве́рны теле́сныя, / всего́ мя очища́я покая́нием, и спаси́ мя.

Иму́щи, душе́, вре́мя пока́ятися, / ле́ности тяжча́йший сон оттряси́ / и спе́шно побди́, вопию́щи Влады́це твоему́: / Милосе́рде, уще́дри мя, / Крести́теля Твоего́ мольба́ми.

Пото́цы страсте́й и во́ды зло́бы / до души́ моея́ внидо́ша, блаже́нне Предте́че, / потщи́ся ско́ро изъя́ти мя, / и́же ре́чными струя́ми измы́в / безстра́стия тиша́йшую пучи́ну.

Слава: Увы́ мне, мно́га зла сотво́ршему! / Увы́ мне, еди́ному прогне́вавшему Бо́га Преблага́го! / Крести́телю Христо́в, помози́ ми, / и пода́ждь прегреше́ний мои́х разреше́ние, / и долго́в мои́х отсече́ние твои́ми хода́тайствы.

И ныне: Вы́шняго Бо́га пло́тию ро́ждшая, / от гно́я мя возста́ви страсте́й, оскорбля́ющих мя: / и лю́те всего́ обнища́вша, / Боже́ственными обогати́, Пречи́стая, доброде́тельми, / я́ко да воспою́ Тя спаса́емь.

Песнь 9.

Ирмос: Безнача́льна Роди́теля Сын, Бог и Госпо́дь, / вопло́щся от Де́вы, нам яви́ся, / омраче́нная просвети́ти, собра́ти расточе́нная. / Тем Всепе́тую Богоро́дицу велича́ем.

Припев: Святы́й вели́кий Иоа́нне Предте́че Госпо́день, моли́ Бо́га о нас.

Ка́ла мя изба́ви грехо́внаго, Го́споди, / Безгре́шне Еди́не и Многоми́лостиве, / Крести́теля мольба́ми, / и́же Тебе́ пропове́давый всему́ ми́ру А́гнца Бо́жия, / взе́млющаго челове́ков грехи́.

Я́ко ши́пок благово́нен, я́ко благоуха́нный кипари́с, / я́ко неувяда́емый крин, я́ко ми́ро че́стно / име́яй тя, Госпо́день Предте́че, / мои́х дел злосмра́дия избавля́юся моли́твами твои́ми, / притека́я к покро́ву твоему́.

Непло́дствовати мя непло́дными де́лы, всеблаже́нне, сотвори́, / доброде́телей благопло́дие при́сно принося́ща, / ча́до мя Госпо́дне творя́, / и прича́стника Боже́ственному Ца́рствию, / и святы́х собо́ру купножи́теля.

Слава: Нам лю́бящим тя, любо́вию почита́ющим, / и в Боже́ственнем хра́ме твое́м лику́ющим, / даждь с небесе́ разреше́ние лю́тых, Предте́че Госпо́день, / и жития́ исправле́ние, и прегреше́ний избавле́ние.

И ныне: Носи́му во утро́бе Богома́терни, вся нося́щему ма́нием, / поклони́лся еси́, проро́че: / с Не́юже моли́ смире́нней спасти́ся души́ мое́й, / во мно́гая впа́дающей по вся дни согреше́ния.

Светилен, глас 4:

Предте́чу Иоа́нна, и крести́теля Спа́сова, / во проро́цех проро́ка и пусты́ни воспита́ние, / Елисаве́тино рожде́ние восхва́лим вси.

Слава, и ныне, Богородичен:

Сла́дость А́нгелов, скорбя́щих ра́дость, / христиа́н предста́тельница, Де́во Ма́ти Госпо́дня, / заступи́ нас, и изба́ви ве́чных мук.

Молитва:

Усекновению честной главы честного славного Пророка, Предтечи и Крестителя Иоанна.

Тропа́рь, гла́с 2:

Па́мять пра́веднаго с похвала́ми, тебе́ же довле́ет свиде́тельство Госпо́дне, Предте́че: показа́л бо ся еси́ вои́стинну и проро́ков честне́йший, я́ко и в струя́х крести́ти сподо́бился еси́ Пропове́даннаго. Те́мже за и́стину пострада́в, ра́дуяся, благовести́л еси́ и су́щим во а́де Бо́га, я́вльшагося пло́тию, взе́млющаго гре́х ми́ра и подаю́щаго на́м ве́лию ми́лость.

Стихи́ра, гла́с 6:

Пляса́ учени́ца вселука́ваго диа́вола, и главу́ твою́, Предте́че, мзду́ взя́т. О, пи́ра, испо́лнена крове́й! Лу́чше бе́ не кля́тися, Ироде беззако́нне, лжи́ вну́че. Аще ли же и кля́лся еси́, но не о добре́ кля́лся: лу́чше бе́ солга́вшу жи́знь получи́ти, не́же и́стинствовавшу главу́ Предте́чеву усе́кнути. Но мы́ Крести́теля, я́ко в рожде́нных жена́ми бо́льша, досто́йно чту́ще, ублажа́ем.

Други́й кано́н. Гла́с 8.

Пе́снь 1.

Ирмос: Истря́сшему в мо́ри мучи́тельство фарао́не, и Изра́иля су́шею наста́вльшему пои́м Христу́, я́ко просла́вися во ве́ки.

Пусты́ни кра́сное овча́, Заха́риин пло́д и Елисаве́тино па́че наде́жды прозябе́ние, предповелева́ет ве́рным торжествова́ти честну́ю его́ па́мять.

О, рожде́ния, испо́лнена кро́ве! О, пи́ра ме́рзка! Уби́йством бо пия́нство Ирод раствори́, трапе́за же его́ скверноуби́йства го́рькаго испо́лнися.

Обличи́вшаго Ирода беззако́ннующа, ве́рнии, и отсече́ние главы́ претерпе́вша, воспои́м Крести́теля, я́ко за ре́вность Бо́жию умерщвле́на.

Богородичен: Неопи́саннаго Бо́га Сло́ва, всего́ все́льшася в Тя́, родила́ еси́, Чи́стая Богороди́тельнице, сугу́ба Того́, я́ко еди́на су́ща Сы́на, воплоще́нна из Тебе́ неизрече́нно.

Пе́снь 3.

Ирмос: Не́сть свя́т, я́ко Госпо́дь, и не́сть пра́веден, я́ко Бо́г на́ш, Его́же пое́т вся́ тва́рь: не́сть пра́веден, па́че, Тебе́, Го́споди.

Бо́лий не воста́ в рожде́нных жена́ми Иоа́нна, взыва́ше Христо́с Истина: во утро́бе бо позна́ созда́ние Созда́вшаго, пропове́даше ма́терним гла́сом.

Пе́рстом, пе́рвее, показа́в Агнца, и язы́ком, второ́е, Ирода обличи́л еси́, главо́ю же, тре́тие, источа́еши чудеса́ от зда́нна сосу́да на́м.

Рожде́ние сла́вно, Крести́телю Христо́в, и житие́ твое́ непоро́чно, и предъизше́ствие че́стно, и показа́ние стра́нно, сме́рть честна́ и погребе́ние сла́вно.

Богородичен: Бо́г Сы́й, Са́м Себе́ истощи́л еси́, Единоро́дне, да спасе́ши, я́же созда́л еси́, и́хже ра́ди вочелове́чился еси́, вопло́щься от Де́вы, и все́ мое́ премени́в естество́, приве́л еси́ Твоему́ Роди́телю.

Седа́лен, гла́с 8.

От непло́дове просия́в судо́м Бо́жиим и у́зы разреши́в язы́ка о́тча, показа́л еси́ со́лнце, денни́цу озаря́ющее, и лю́дем в пусты́ни Зижди́теля пропове́дал еси́, Агнца, взе́млющаго ми́ра грехи́. Те́мже ре́вностию царя́ обличи́в, в пресла́вную главу́ твою́ усе́чен бы́л еси́, приснопа́мятне, Иоа́нне всехва́льне, моли́ся Христу́ Бо́гу согреше́ний оставле́ние дарова́ти пра́зднующим любо́вию святу́ю па́мять твою́.

Сла́ва, и ны́не, Богородичен:

Яко Де́ву и еди́ну в жена́х, Тя́ без се́мене ро́ждшую Бо́га пло́тию, вси́ ублажа́ем, ро́ди челове́честии: о́гнь бо всели́ся в Тя́ Божества́, и я́ко Младе́нца млеко́м пита́еши Зижди́теля и Го́спода. Те́м, Ангельский и челове́ческий ро́д, досто́йно сла́вим пресвято́е рождество́ Твое́, и согла́сно вопие́м Ти́: моли́ Христа́ Бо́га согреше́ний оставле́ние дарова́ти покланя́ющимся ве́рою пресвято́му Рождеству́ Твоему́.

Пе́снь 4.

Ирмос: Из горы́ приосене́нныя, Сло́ве, проро́к, еди́ныя Богоро́дицы, хотя́ща воплоти́тися богови́дно усмотри́ и со стра́хом славосло́вяше си́лу Твою́.

Уясни́л еси́ на́м Христо́во Ца́рство, показа́л еси́ лю́дем пути́ покая́ния и Ирода обличи́л еси́ беззако́ннующа, вели́кий пропове́дниче, Иоа́нне му́дре.

Не терпя́, Крести́телю, Ирод обличе́ния, победи́ся гне́вом, и за́вистию, и го́рестию; и соблюда́ше вре́мя рожде́ния, в не́же усече́ главу́ твою́, пропове́дниче Христо́в.

Весели́ся, Крести́телю, да игра́ет ду́х тво́й: облича́еши бо и та́мо безбо́жнаго Ирода, и су́щим во а́де пропове́дуеши душа́м, глаго́ля: спасе́ние на́ше прибли́жися.

Чуди́тся земля́ твоему́ житию́, Иоа́нне, пропове́дует не́бо непра́ведное твое́ заколе́ние, и сказу́ет мно́жество доброде́телей твои́х Це́рковь, воспева́ющи.

Богородичен: Роди́вся от Ма́тере, Де́вы непоро́чныя, сохрани́л еси́ чи́сту по рождестве́, Иже в мое́ существо́ ве́сь обле́кся, греха́ кроме́.

Пе́снь 5.

Ирмос: От но́щи неве́дения богове́дением просвети́вый концы́, просвети́ мя у́тром человеколю́бия Твоего́, Го́споди.

Пусты́нное овча́ и вселе́нней стяжа́ние Предте́ча, дне́сь гото́вит духо́вную трапе́зу на́м.

Сласте́й раба́ и зако́нов престу́пника, обличи́л еси́, Иоа́нне, Ирода, Иродиа́ды го́рькаго рачи́теля.

Иродиа́да пля́шет, Иоа́нн вя́жется и закала́ется. О, пия́нства Иродова! О, несмы́сльства души́ его́!

Богородичен: Ра́дуйся, Боже́ственная Горо́, от Нея́же Ка́мень отсече́ся без ру́к, Пречи́стая, усыри́вшися Бо́гу и Сло́ву, Всенепоро́чная, пло́тию.

Пе́снь 6.

Ирмос: Якоже проро́ка изба́вил еси́ из глубины́ преиспо́дния, Христе́ Бо́же, и мене́ от грехо́в мои́х изба́ви, я́ко Человеколю́бец, и упра́ви живо́т мо́й, молю́ся.

Усече́ние честны́я и всехва́льныя твоея́ главы́, Предте́че Христо́в, почита́юще, сла́вим твою́ приснохва́льную и всеми́рную па́мять, преблаже́нне.

О, скве́рнаго гоще́ния! О, го́рькаго рожде́ния! О, пия́нства скве́рнаго Ирода беззако́ннаго! Содержи́мь бы́сть к беззако́нию и облича́емь, проро́ка уби́ти поучава́ется.

Пляса́вши но́вая еги́птяныня посреди́ пи́ра скве́рнено, главу́ испроси́, сея́ обличи́вшую роди́тельницу и Иродову нало́жницу.

Богородичен: Иже ны́не Сы́н Де́вы, пе́рвее Сы́н Оте́чь показа́ся, не и́н разумева́емь, от ви́димаго, а́ще и пребы́сть еди́н во обою́ соверше́н.

Конда́к, гла́с 5:

Предте́чево сла́вное усекнове́ние смотре́ние бы́сть не́кое Боже́ственное, да и су́щим во а́де Спа́сово пропове́сть прише́ствие. Да рыда́ет у́бо Ироди́я, беззако́нное уби́йство испроси́вши: не зако́н бо Бо́жий, ни живы́й ве́к возлюби́, но притво́рный, привре́менный.

Рожде́ние Иродово все́м яви́ся непреподо́бно, егда́ посреди́ пита́ющихся глава́ постя́щагося предложи́ся, я́коже сне́дь: ра́дости совокупи́ся печа́ль, и сме́ху раствори́ся го́рькое рыда́ние, я́ко главу́ Крести́телеву на блю́де нося́, пред все́ми вни́де, я́коже рече́, отрокови́ца. И кля́твы ра́ди рыда́ние нападе́ на вся́ возлежа́щия тогда́ с царе́м: не бо́ обвесели́ о́нех, ниже́ Ирода самого́. Рече́ бо: оскорбе́ша печа́лию не и́стинною, но притво́рною, привре́менною.

Пе́снь 7.

Ирмос: В нача́ле зе́млю основа́вый и небеса́ сло́вом утверди́вый, благослове́н еси́ во ве́ки, Го́споди, Бо́же оте́ц на́ших.

Зако́н Бо́жий пропове́дуя, Иоа́нн злочести́ваго не убоя́ся Ирода беззако́ннующаго уцелому́дрити: о́гнь бо бе́ в не́м греха́ его́.

О, главы́, я́сно законополага́ющия и от земли́ Ироду провозглаша́ющия: не досто́ит тебе́ беззако́ннующу багряни́цу носи́ти, я́ко мучи́тельскую оде́жду.

Ору́жии скве́рными беззако́нный Ирод вооружи́вся, с кля́твою исполня́ше беззако́ние, гоще́ния пия́нство име́я та́мо, сво́инствующее тому́.

Богородичен: Безпло́тен сы́й — непрело́жно воплоти́ся; Безле́тен сы́й — во вре́мени позна́ся от Де́вы, все́х Зижди́тель, несме́сно пребы́в, я́коже бе́, и бы́в, я́коже не бе́.

Пе́снь 8.

Ирмос: На горе́ святе́й просла́вльшася, и в купине́ огне́м Присноде́вы Моисе́ови та́йну я́вльшаго, Го́спода по́йте и превозноси́те во вся́ ве́ки.

Пропове́давый Христо́во прише́ствие су́щим во а́де, ве́рою возвеща́я, боле́зни реша́яй прихо́дит Госпо́дь сла́вы, Его́же превозно́сим во вся́ ве́ки.

В темни́це тя́ затвори́ Ирод, Иоа́нне, втора́го Илию́, и желе́зными у́зы связа́в, уби́, покая́ния и Ца́рствия ве́рнаго священнопропове́дника.

О, трапе́зы, кро́ве испо́лненныя! О, сне́дей, уби́йством растворе́нных! О, пи́ра, испо́лнена су́етства! О, безчелове́чия и скверноуби́йства Ирода беззако́ннаго!

Богородичен: Горе́ ве́сь и до́ле ве́сь, Сло́ве, в не́дрех Отчих и Ма́тере Твоея́, ве́сь Бо́г и ве́сь естество́м Челове́к, еди́н Ипоста́сию и сугу́б естество́м еси́, Ми́лостиве.

Пе́снь 9.

Ирмос: Проявле́нное на горе́ законополо́жнику во огни́ и купине́ рождество́ Присноде́вы в на́ше, ве́рных, спасе́ние пе́сньми немо́лчными велича́ем.

Па́ки Иезаве́ль лику́ет на Илию́, па́ки еги́птяныня Ио́сифа и́щет, Проро́ка же и Крести́теля Спа́сова — ны́не я́вльшаяся Иродиа́да скверна́вая.

Во главу́ усе́чен бы́в, Иоа́нне, от Ирода, су́щим во а́де душа́м посла́лся еси́ пропове́дати Гряду́щаго, и те́х спасти́ все́х, пре́жде сконча́вшихся ве́рных от Ада́ма.

Свети́льник Све́та и гла́с Сло́ва сы́й, пропове́дник Агнца Бо́жия, пусты́нное овча́, Иоа́нне, честны́й му́чениче Госпо́день, моли́ спасти́ся пою́щим тя́.

Богородичен: Еди́на в жена́х по рождестве́ яви́лася еси́ Де́ва, еди́на в жена́х Ты́, Богороди́тельница, показа́лася еси́, еди́на разреши́ла еси́ от боле́зни Еву, и перворо́дную изсуши́ла еси́ кля́тву.

Свети́лен.

Во проро́цех бо́льша позна́на и апо́стол предъизбра́нна бы́вша, пе́сньми похва́льными венча́ем Предте́чу благода́ти: во главу́ бо усе́чен бы́сть зако́на ра́ди Госпо́дня.

Сла́ва: Скве́рный Ирод чистоты́ сади́телю, тебе́, Крести́телю Спа́сов, главу́ усече́ льсти́вне, обличе́ний же твоего́ язы́ка посещи́ ника́коже возмо́же.

И ны́не, Богородичен: Яже кля́тву мирску́ю боже́ственным рождество́м Твои́м, Чи́стая, потре́бльши, ста́до, Тебе́ моля́щееся ве́рно, от вся́ких бе́д изба́ви моли́твами Твои́ми, Отрокови́це.

Молитва Предтече и Крестителю Господню Иоанну

Молитва усекновение главы пророка предтечи и Крестителя Господня Иоанна

Пророку Иоанну, Предтече и Крестителю Господню (тропари, кондаки, молитвы и величания)

Тропарь собору и усекновению, глас 2:

П а́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ пока́зал бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.

Тропарь зачатию, глас 4:

П е́рвее неражда́ющая непло́ды, возвесели́ся,/ се бо зачала́ еси́ Со́лнца свети́льника я́ве,/ просвеща́ти иму́ща всю вселе́нную, слепото́ю неду́гующую./ Лику́й, Заха́рие, вопия́ со дерзнове́нием:// проро́к Вы́шняго есть хотя́й роди́тися.

Тропарь рождеству, глас 4:

П роро́че и Предте́че прише́ствия Христо́ва,/ досто́йно восхвали́ти тя недоуме́ем мы, любо́вию чту́щии тя:/ непло́дство бо ро́ждшия и о́тчее безгла́сие разреши́ся/ сла́вным и честны́м твои́м рождество́м,// и воплоще́ние Сы́на Бо́жия ми́рови пропове́дуется.

Тропарь первому и второму обретеню главы, глас 4

О т земли́ возсия́вши, Предте́чева глава́,/ лучи́ испуща́ет нетле́ния, ве́рным исцеле́ний,/ свы́ше собира́ет мно́жество А́нгел,/ до́ле же созыва́ет челове́ческий род,// единогла́сную возсыла́ти сла́ву Христу́ Бо́гу.

Тропарь третьему обретению главы, глас 4:

Я́ ко Боже́ственное сокро́вище сокрове́нное в земли́,/ Христо́с откры́ главу́ твою́ нам, проро́че и Предте́че./ Вси у́бо соше́дшеся в сея́ обре́тение,/ пе́сньми богоглаго́ливыми Спа́са воспои́м,// спаса́юща нас от тле́ния моли́твами твои́ми.

Тропарь на перенесение десной руки, глас 4:

О т за́пада возсия́вши Предте́чева рука́,/ лучи́ испуща́ет нетле́ния ве́рным исцеле́ний,/ свы́ше собира́ет мно́жество А́нгел,/ до́ле же созыва́ет челове́ческий род,// единогла́сно возсыла́ти сла́ву Христу́ Бо́гу.

Кондак собору, глас 6:

П лотска́го Твоего́ прише́ствия убоя́вся Иорда́н,/ стра́хом возвраща́шеся,/ проро́ческое же служе́ние исполня́я Иоа́нн,/ тре́петом спря́ташеся,/ А́нгельстии чи́ни ужаса́хуся,/ зря́ще Тя во струя́х пло́тию креща́ема,/ и вси́ су́щии во тьме озаря́хуся,// воспева́ющеТя, я́вльшагося и просвети́вшаго вся.

Кондак зачатию, глас 1:

В есели́тся све́тло Заха́рия вели́кий/ со всесла́вною Елисаве́тию сопру́жницею,/ досто́йно зачина́юще Иоа́нна Предте́чу,/ его́же Арха́нгел благовести́, ра́дуяся,/ и челове́цы достодо́лжно почти́м,// я́ко таи́нника благода́ти.

Кондак рождеству, глас 3:

П ре́жде непло́ды, днесь Христо́ва Предте́чу ражда́ет,/ и той есть исполне́ние вся́каго проро́чества:/ Его́же бо проро́цы пропове́даша,/ на Сего́ во Иорда́не ру́ку положи́в,// яви́ся Бо́жия Сло́ва проро́к, пропове́дник вку́пе и Предте́ча.

Кондак усекновению, глас 5:

П редте́чево сла́вное усекнове́ние,/ смотре́ние бысть не́кое Боже́ственное;/ да и су́щим во а́де Спа́сово пропове́сть прише́ствие./ Да рыда́ет у́бо Ироди́а,/ беззако́нное уби́йство испроси́вши:/ не зако́н бо Бо́жий, ни живы́й век возлюби́,// но притво́рный, привре́менный.

Ин кондак усекновению, глас 4:

И́ род, Предте́че, беззако́нновав, / жене́ подаде́ главу́ твою́ честну́ю, / е́йже покланя́ющеся, весели́мся; // Ироди́я же пла́чет и рыда́ет, / и И́род, и пляса́вшая.

Кондак первому и второму обретению главы, глас 2:

П ро́роче Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде в ми́ре пропове́дуеши покая́ние.

Кондак третьему обретению главы, глас 6:

С ветоявле́нный и Боже́ственный в ми́ре столп,/ со́лнца свети́льник,/ Предте́ча, главу́ светоно́сную и Боже́ственную свою́ показа́вый в конце́х,/ освяща́ет той ве́рно покланя́ющихся и взыва́ющих:// Христо́в прему́дрый Крести́телю, спаси́ всех нас.

Кондак на перенесение десной руки, глас 6:

У́ мнаго Со́лнца свети́льник Боже́ственный Предте́ча,/ показа́вый в конце́х светоно́сную свою́ десни́цу,/ ны́не на се́вере озаря́ет е́ю блаже́нное Оте́чество на́ше,/ просвеща́я и освяща́я ве́рно покланя́ющихся, и Христу́ вопию́щих:// спаси́ нас моли́твами проро́ка Твоего́, Царю́ Вы́шний.

К рести́телю Христо́в, честны́й Предте́че, кра́йний проро́че, пе́рвый му́чениче, по́стников и пусты́нников наста́вниче, чистоты́ учи́телю и бли́жний дру́же Христо́в! Тя молю́, и тебе́ прибега́ю не отри́ни мене́ от твоего́ заступле́ния, не оста́ви мя па́дшего мно́гими грехи́; обнови́ ду́шу мою́ покая́нием, я́ко вторы́м креще́нием; очи́сти мя, грехи́ оскверне́ннаго, и пону́ди вни́ти, а́може ничто́же скве́рно вхо́дит, в Ца́рствие Небе́сное. Ами́нь.

В елича́ем тя, Предте́че Спа́сов Иоа́нне, и чтим е́же от непло́дове пресла́вное рождество́ твое́.

В елича́ем тя,/ Крести́телю Спа́сов Иоа́нне,/ и почита́ем вси/ честны́я твоея́ главы́// усекнове́ние.

В елича́ем тя,/ Крести́телю Спа́сов Иоа́нне,/ и почита́ем вси/ честны́я твоея́ главы́// обре́тение.

Православный праздник Усекновение главы Иоанна Крестителя

«Спаси, Господи!». Благодарим что посетили наш сайт и перед тем, как начать читать необходимую информацию просим Вас посмотреть нашу страничку в Инстаграм «Господи, Спаси и Сохрани †» — ссылка https://www.instagram.com/spasi.gospodi/ . Перейдите и посмотритее ее, пожалуйста. В сообществе уже больше 48 000 подписчиков, единомышленников. Если Вам понравится наша группа, пожалуйста подписывайтесь на нее. Мы выкладываем православные редкие молитвы из молитвослова, высказывание святых, своевременно выкладывам полезную информацию о праздниках и православных событиях. Ангела Хранителя Вам и хорошего, бгагодатного дня! (информация на правах рекламы)

Однажды митрополит Сурожский Антоний сказал такие слова о судьбе Иоанна Предтечи, который предсказал появление миссии, а потом и крестил его в водах Иордана «Нет судьбы более трагической и величественной». Все православные мира 11 сентября отмечают такой новозаветный церковный праздник как Усекновение главы Иоанна Предтечи.

История праздника

Ежегодно верующие христиане отмечают 11 сентября день Усекновения главы Иоанна Предтечи. Корни данного события идут в далекий 4 век нашей эры, когда о нем написали в Евангелии от Марка и Матфея.

В то время в Риме умер Ирод Великий. Жители разделили Палестину на 4 части, в которых поставили своих ставленников. Ирод Антипа получил в распоряжение Гагилею. Была у него законная жена, дочь аравийского царя Арефы. Он оставил ее и стал жить с женой своего брата Иродиадой. Пророк часто обличал царя в этом, но тот боялся его и не смел причинить вреда. Кроме того он был любим народом, и это могло вызвать народный гнев. Но вскоре Иоанна все-таки посадили в темницу.

История праздника Усекновение Иоанна Предтечи касается таких событий. В день рождения Ирод устроил богатый пир на котором перед гостями плясала дочь Иродиады Саломия. Она ему так понравилась, что царь в порыве страсти перед всеми гостями поклялся, что он даст ей все то, чего она пожелает. Она пошла к матери за советом и та научила ее просить голову Иоанна. Царь очень был расстроен, так как боялся гнева Господнего за убийство пророка, но и нарушать невольно брошенную клятву не хотел.

Царь выполнил свое обещание и Иоанну отрубили голову. Но даже после этого она не переставала обличать Ирода и Иродиаду. Любовница даже исколола голове весь язык и зарыла в нечистом месте. Но Иоанна, жена домоправителя, взяла ее в сосуд и погребла на Елеонской горе. Тело же святого погребли его ученики.

После убийства пророка, божий гнев обрушился на тех, кто принимали участие в этом мероприятии. Саломия зимой переходила реку и провалилась под лед. Она провела длительное время в воде таким образом, что голова была на поверхности, а тело – под водой. Со временем острая льдина перерезала его шею. Тело так и не нашли. А голову принесли царю так же, как совсем недавно приносили голову Иоанна. Аравийский царь решил отомстить за бесчестие дочери и отправил войска на нечестивого царя и принес ему поражение. Гай Юлий Цезарь сослал Ирода и Иродиаду сначала в Галлию, а потом в Испанию. Там их поглотила разверзшеяся земля.

Через много лет после смерти Иоанна Крестителя земля, где покоился сосуд с головой, стала собственностью одного вельможе. Обрели данную святыню при строительстве церкви. Но перед своей кончиной, чтобы она не была поругана иноверцами, ее снова вернули в землю. Спустя годы церковь, которую построил вельможа, стала никому не нужной. Однажды в Иерусалим пришли 2 инока и им явился святой Иоанн и показал на место захоронения своей головы. Они положили голову в мешок из верблюжьей шерсти и понесли ее домой.

Молитвы Иоанну Крестителю: для успокоения души, исцеления, за детей

«Спаси, Господи!». Благодарим что посетили наш сайт и перед тем, как начать читать необходимую информацию просим Вас посмотреть нашу страничку в Инстаграм «Господи, Спаси и Сохрани †» — ссылка https://www.instagram.com/spasi.gospodi/ . Перейдите и посмотритее ее, пожалуйста. В сообществе уже больше 48 000 подписчиков, единомышленников. Если Вам понравится наша группа, пожалуйста подписывайтесь на нее. Мы выкладываем православные редкие молитвы из молитвослова, высказывание святых, своевременно выкладывам полезную информацию о праздниках и православных событиях. Ангела Хранителя Вам и хорошего, бгагодатного дня! (информация на правах рекламы)

Иоанн Креститель относится к числу тех святых, которых особенно почитают в православии. О нем говорят, как о близком человеке Христа. Он предрек появление Мессии и начало новой истории православия. Его жизнь стала примером для всех христиан, в которой добро всегда побеждало зло. Его образ – это образ праведной жизни, смирения и покаяния, которые должны быть присущи каждому христианину. Именно такой образ жизни поможет уверовать Слово Божье и познать Божью благодать. Многие православные направляют свои молитвы Иоанну Крестителю Предтече.

Житие Иоанна Крестителя

Много божественного и тайного случилось еще до его рождения. Его родители были людьми преклонного возраста, но не имели детей. Причиной это было не возможность иметь детей со стороны женщины. В те времена такая проблема считалась наказанием Господа. Но они не прекращали возносить свои молитвы и были одарены Божьей благодатью. Им был подарен долгожданный сын. Данное событие стало знаком того, что этот ребенок будет особенным, а его действия и решения будут иметь особенную силу. Архангел Гавриил, который явился отцу Иоанна, сказал ему даже имя, которым необходимо было назвать малыша.

Длительное время мать носила малыша и скрывалась от людей до тех пор, пока к ней не пришла Дева Мария. Она принесла ей радостную новость. Мальчик смог пережить решение Ирода об убийстве всех младенцев. Он не хотел иметь соперников и продолжить царствование до конца своих дней. Его мать решила спрятать его в пустыне, куда отправилась вместе с ним. Там в пещере она умерла, а отце был убит в храме, так как не выдал место сокрытия своей семьи. Рядом с мальчиком постоянно был ангел, который защищал его от всего, что тот мог встретить в пустыне. Он бродил до тех пор, пока не набрел на покаянную проповедь.

Жизнь его в пустыне была достаточно обыкновенной:

• ел простую пищу и в небольшом количестве;
• носил обычную одежду;
• жил в дикой пещере в пустыне, постоянно молясь до 30 лет;
• не общался с людьми, а только с Господом, ожидая его призыва на служение.

Через определенное время он начал проводить обряд крещения и проповедовать. Люди знали о его силе и хотели покреститься именно у него, а также исповедать все грехи. После того, как он окрестил Господа Ирод приказал заключить его в темницу. Иоанн постоянно обличал все плохие дела. Царь хотел его наказать, но боялся пророка. Была у него жена, которую он оставил и начал сожительствовать с женой своего брата Иродиадой.

Она постоянно подстрекала его к смертному наказанию пророка. Однажды во время пира на честь его дня рождения танцевала дочка Иродиады, которая очень понравилась Ироду. Он при всех сказал, что готов сделать все, что она пожелает. Девушка пошла к матери и посоветовалась с ней. Ее решение заключалось в том, чтобы он казнил Иоанна и преподнес ей ее голову. Царь так и сделал. Длительное время его голову хранили в разных местах, и в итоге ученые и православные так и не могут сойтись на едином мнении месте хранения.